E Mutterhätz

De Sprengbomb zerreß alle More vum Huus,

et,Wasserröhr broch,un et duusch un et bruss,

Pilare zerbaschte,der Wäg wood verstallt,

der Dud hatt zwei Minsche em Keller ömkrallt.

Em Keller ,do pruschten et Wasser un fung

Em Höttchen en Frau die ihr Kingkche ömschlung.

Se dät et beschötze su got ,wie se kunnt,

heelt pielop dat Würmsche bal nüng Stund.

Do boldert et buuße,de Hölp eß nit wick,

en Hand ald dat Kind durch et Kellerloch trick.

Dann well mer och helfe der Frau us der Nut,

Do broch ehr et Hätz un se sunk en der Dud.

Dat es he zo Kölle om Kregmaat passet,

nor sprich vun der kein Sag un kei Leed.

Wilhelm Hoßdorf

Sammlung

F.Z.