Ärmot

Ehr Bürgerslück ich muß üch warne,
Dat Beddelsvolk weiß sich zo tarne,
Wann ehr zom Beispill en dr Stadt,
Met jedem Beddler Metleid hat,
Dann meint ehr dat wör Kreßteflicht,
Un weßt nit wie mer üch bedrüch.

Denn die an Strooßeecke ston,
Ov gar lans Dörre kötte gon,
Ehr Bürger gläuft mer dat eß Zunf,
Un Metleid he eß Unvernunf
Denn Mallich geiht als Beddelsmann,
Will hä kein Arbeid ruche kann.

Dogäge eß die Ärmot eige,
Schamp sich sugar sich dir zo zeige,
Well off sugar wie Wohlstand schinge,
Dröm eß se och nit leich zo finge,
Doch müt ehr ens nohm Poßamb gon,
Wo jede Mond die Rentner ston.

Do ston die usrangeete Pääd,
Sin vür de Arbeid nix mih wäät,
Han treu un brav ehr Flich gedon,
Han kei Talent, zom Kötte gon;
Ehr seht, zom helfe höt Verstand,
Doch dann zeigt och en offe Hand.

Sammlung
F.Z.